काठमाडौँ । प्रधानमन्त्री केपी शर्मा ओलीले चुनाबपछि आफ्नै पार्टीको सरकार बन्ने दावी गरेका छन् । भारतीय टेलिभिजन च्यानल ‘जी न्यूज’ का प्रधान-सम्पादक सुधीर चौधरीसँग अन्तर्वार्ता दिंदै प्रधानमन्त्री ओलीले आगामी बैशाखमा हुने निर्वाचनपछि पनि आफू नै सत्तामा आउने दाबी गरे ।
के वैशाखमा हुने चुनावपछि पनि तपाइँ प्रधानमन्त्री रहिरहनुहुन्छ भन्ने चौधरीको प्रश्नको उत्तर दिंदै ओलीले वैशाखमा हुने निर्वाचनमा आफ्नो पार्टीले अत्यधिक बहुमत ल्याउने दावी गरे ।
आफ्नो पार्टीले बहुमत ल्याउन नसकेको अवस्थामा पनि ठूलो दलका रुपमा आफ्नै पार्टी स्थापित हुने र आफूले नै नयाँ सरकारको नेतृत्व गर्ने दाबी गरे । नेपाली जनताले विकास, समृद्धि चाहेको र जनताको त्यो चाहनालाई पूरा गर्न आफूले सार्थक प्रयास गरिरहेको उनले बताए ।
यो पनि पढ्नुहोस्
