गोरखा । पूर्वप्रधानमन्त्री समेत रहेका जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले गृह जिल्ला गोरखाको गण्डकी गाउँपालिका- ८, घ्यालचोक पुगेर जसपाको सुज अभियान अन्तर्गत १२ दिने जनभेटघाट कार्यक्रमको शुरूवात भएको जानकारी दिएका छन् ।
सामाजिक संजाल ट्वीटरमा लेख्दै उनले साना-साना जनभेटघाट भूइॅतहका जनताको वास्तविक आवाज सुन्ने प्रयत्न निकै उपयोगी र रोचक रहेको अनुभव सेयर गरेका छन् ।
साथै उनले बुढीगण्डकी परियोजना, रणनीतिक सडक, वृहद खानेपानी योजनावारे आम जनचासो बुझेको पनि लेखेका छन् । साथै सो स्थानमा पुगेर उनले खाना समेत खाएका छन् ।
यसअघि नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ पनि आफ्नो गृह जिल्ला चितवनको भरतपुर महानगरपालिका-२२ बोटे टोलको लोपउन्मुख बोटे जातिको घरमा गएर खाना खाएका थिए ।
उनले लेखेका छन्, ‘गोरखा गण्डकी गापा-८ घ्यालचोकबाट जसपाको सुज अभियान अन्तर्गत १२दिने जनभेटघाट कार्यक्रमको शुरूवात! सानासाना जनभेटघाट भूइॅतहका जनताको वास्तविक आवाज सुन्ने प्रयत्न निकै उपयोगी र रोचक! बुढीगण्डकी परियोजना, रणनीतिक सडक,वृहद खानेपानी योजनावारे आम जनचासो !’
तस्वीर सौजन्य : डा. बाबुराम भट्टराईको ट्वीटरवाट
यो पनि पढ्नुहोस्
चितवन पुगेर प्रचण्डले लोपउन्मुख बोटे जातिको घरमा गएर यसरी खाए खाना (फोटो फिचर)
