२२ फागुन, दाङ । प्रदेश नम्बर पाँचका मुख्यमन्त्री शंकर पोखरेलले फागुन २७ गते विश्वासको मत लिनु हुने भएको छ ।
सोमबार बसेको मन्त्री परिषदको बैठकले फागुन २७ गते मुख्यमन्त्री पोखरेलले प्रदेश संसदबाट विश्वासको मत लिने निर्णय गरेको हो । पोखरेल फागुन ३ गते मुख्यमन्त्रीमा नियुक्त हुनु भएको हो ।
मुख्यमन्त्रीमा नियुक्त भएको ३० दिन भित्र संसदबाट विश्वासको मत लिनुपर्ने संवैधानीक प्रावधान छ ।
यस्तै फागुन २७ गते बस्ने बैठकमा प्रदेश आर्थिक कार्यविधि, स्थानीय तहका पदाधिकारीको सेवासुविधा सम्बन्धी विधेयक पेश गर्ने तयारी रहेको भौतिक पूर्वाधार विकास मन्त्री तथा प्रवक्ता बैजनाथ चौधरीले जानकारी दिनुभयो ।
