चेन्नई । भारतको तमिलनाडुमा सेना प्रमुख बिपिन रावत चढेको हेलिकप्टर दुर्घटना भएको छ । आज बुधबार दुर्घटनाग्रस्त भएको हेलिकोप्टरमा सुरक्षा प्रमुख (सीडीएस) रावत, उनकी श्रीमती, उनका कर्मचारी र केही परिवारका सदस्यहरुसहित १४ जना सवार रहेको बताइएको छ ।
तमिलनाडुको कोइम्बटूर र सुलुरको बीचमा दुर्घटनाग्रस्त भएको जनाइएको छ । हेलिकोप्टर दुर्घटना हुँदा मृत्यु भएका ११ जनाको मृत्यु भएको छ भने ३ जना घाइतेलाई अस्पताल लगिएको इण्डिया टुडेले बताएको छ । हेलिकोप्टर दुर्घटना हुँदा गम्भीर अवस्थामा रहेका सेना प्रमुख रावतलाई पनि अस्पताल लगिएको छ ।
खोजी र उद्धार कार्य सुरु गरिएको स्रोतले जनाएको छ । दुर्घटना के कारणले भयो भन्ने पनि अहिलेसम्म केही खुलेको छैन ।
यो पनि पढ्नुहोस्
भारतमा हेलिकप्टर दुर्घटना : ५ जनाको मृत्यु, घाइते सेना प्रमुखलाई अस्पताल लगियो
