जेष्ठ २७, २०७३- रौतहटको चाँदीखोला र पौराहीबीचको जंगलमा आज बिहान ट्रकमाथि पेट्रोल बम प्रहार भएको छ । बम प्रहारबाट चालक र सहचालक गम्भीर घाइते भएका छन् ।
ना ६ ख ४६१५ नम्बरको ट्रकमा अज्ञात समूहले बम प्रहार गरेको हो । बम प्रहारबाट सहचालक १९ वर्षीय बसन्त मगर गम्भीर घाइते भएका छन् । उनको मुहार र हात जलेको छ ।
चालक बलराम भण्डारीको हात र कपाल जलेको छ । दुवैको रौतहटस्थित चन्द्रपुर अस्पतालमा उपचार भइरहेको छ ।
मिर्चैयाबाट आप लिएर काठमाडौं आउँदै गरेको ना६ख ४६१५ नम्बरको उक्त ट्रकमा साढे पाँच बजे बिहान बिप्लव माओवादीका कार्यकर्ताले जंगलमा पेट्रोल बम प्रहार गरेका थिए।
