धनगढी । बैतडीका एक जना शिक्षक स्थानीयको हत्या गरी भागेको खुलेको छ । आफू अपहरणमा परेको दाबी गरेका हरिश अवस्थीले सुर्नया गाउँपालिका-६ का डम्मर अवस्थीलाई ढुंगाले हानेर हत्या गरेपछि भाग्नका लागि आफू अपहरणमा परेको नाटक गरेको प्रहरीसमक्ष बताएका छन् ।
प्रारम्भिक अनुसन्धानबाट उनले नै डम्मरको हत्या गरेको र ओडारमा गाडेको भनेपछि प्रहरीले खनेर शव सडेको अवस्थामा फेला पारेको छ । डम्मर गत मंसिर १४ गते घरबाटै सम्पर्कविहीन भएका थिए।
