सुर्खेतमा गाडी दुर्घटना : ११ घाइते, ५ जनाको अवस्था गम्भीर Nepalpatra सुर्खेतमा गाडी दुर्घटना : ११ घाइते, ५ जनाको अवस्था गम्भीर
३ आश्विन २०७८, आइतबार

सुर्खेतमा गाडी दुर्घटना : ११ घाइते, ५ जनाको अवस्था गम्भीर


दुर्घटना

कर्णाली । वीरेन्द्रनगर नगरपालिका–२ सुर्खेतमा गाडी दुर्घटना हुँदा ११ जना घाइते भएका छन् । सुर्खेत रेडियो नेपाल नजिकदेखि जुम्लातर्फ जाँदै गरेको भे१ख २५७४ नम्बरको फोर्स गाडी अनियन्त्रित भई पल्टिएर दुर्घटना भएको थियो ।

उक्त दुर्घटनामा घाइते ११ जना कर्णाली प्रदेश अस्पताल कालागाउँ सुर्खेतमा उपचार भइरहेको जिल्ला प्रहरी कार्यालय सुर्खेतको सूचना अधिकारी एवं प्रहरी नायब उपरीक्षक रामप्रसाद घर्तीले जानकारी दिए । घटना भएको खबर पाउने बित्तिकै बाङ्गेसिमलबाट खटिएको प्रहरीले तत्काल उद्धार गरी प्रदेश अस्पतालमा उपचारका लागि पुर्याएको उनले बताए ।

प्रहरीका अनुसार उपचार गराइरहेका घाइतेमध्ये ५ जनाको अवस्था गम्भीर रहेको छ भने ६ जना सामान्य अवस्थामा रहेका छन् । दुर्घटनापश्चात् फरार गाडी चालकको खोजी भइरहेको र वीरेन्द्रनगरभित्र सो दुर्घटना कसरी भयो भन्ने सम्बन्धमा आवश्यक अनुसन्धान गरिरहेको प्रहरीले जनाएको छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
ताजा