२५ जेठ, काठमाडौँ । नेपालमा पछिल्लो २४ घण्टामा १०२ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या ४६७ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार ब्रिफिंगमा डा. विकास देवकोटाले सो कुराको जानकारी गराएका छन् ।
वीपी कोइराला स्वास्थ्य विज्ञान प्रतिष्ठान धरानबाट झापाका १२ जनाले कोरोना जितेर डिस्चार्ज भएका छन् । उनीहर १० औं दिनमा डिस्चार्ज भएका हुन्। यस्तै बाराबाट ३४ जना, काठमाडौंको बलम्बु अस्पतालबाट महोत्तरीका १ जना, बुटवलबाट २७ जना, दाङबाट १० जना र गौरबाट १८ जना डिस्चार्ज भएको डा. देवकोटाले बताएका छन् । आज डिस्चार्ज हुनेहरु १०२ जना मध्ये २ जना महिलाहरु र १०० जना पुरुषहरु रहेका छन् ।
नेपालमा आज कोरोना भाइरस (कोभिड-१९) संक्रमण नयाँ २१३ जनामा पुष्टि भएको छ । योसँगै नेपालमा कोरोना संक्रमितको संख्या ३४४८ पुगेको छ । आज २१३ कोरोना संक्रमितहरुमध्ये २०९ जना पुरुषहरु र ४ जना महिलाहरु रहेका छन् । नेपालमा अहिलेसम्म ३४४८ कोरोना संक्रमितहरुमध्ये ३२१२ जना पुरुषहरु र २३६ जना महिलाहरु रहेका छन् । नेपालमा ७१ जिल्लामा कोरोना संक्रमण फैलिसकेको छ ।
नेपालमा सिन्धुपाल्चोकमा १ जना, बाँकेमा १ जना, गुल्मीमा १ जना, बारामा १ जना, ललितपुरमा १ जना, अर्घाखाँचीका १ जना, दैलेखका १ जना, बाजुराका १ जना, दोलखाका १ जना, पाल्पाका १ जना, सुर्खेतका १ जना, डोल्पाका १ जना र धनगढीकी १ जना गरी १३ जनाको कोरोना संक्रमणबाट मृत्यु भईसकेको छ ।
यो पनि पढ्नुहोस्
नेपालमा संक्रमितको संख्या ३४४८ पुग्यो, आज थपिए कोरोनाका नयाँ २१३ संक्रमित
