२२ जेठ, काठमाडौँ । नेपालमा पछिल्लो २४ घण्टामा १२ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या २९० पुगेको छ । स्वास्थ्य तथा जनसङ्ख्या मन्त्रालयको नियमित पत्रकार ब्रिफिंगमा प्रवक्ता डा. विकास देवकोटाले सो कुराको जानकारी गराएका छन् । नेपालमा अहिलेसम्म डिस्चार्ज २९० जनामध्ये २३४ जना पुरुषहरु र ५६ जना महिलाहरु रहेका छन् ।
आज नारायणी अस्पतालवाट ५ जना डिस्चार्ज भएका हुन् । उनीहरुको उमेर समूह २५ वर्षदेखि ७० बर्ष रहेको छ र अस्पताल भर्ना भएको नवौ दिनमा उनीहरु डिस्चार्ज भएका हुन् । साथै कलैया अस्पतालवाट ७ जना गरी १२ जना डिस्चार्ज भएका हुन् । उनीहरुको उमेर समूह २८ वर्षदेखि ४९ बर्ष रहेको छ र अस्पताल भर्ना भएको १० औदेखि १७ औ दिनमा उनीहरु डिस्चार्ज भएका हुन् ।
नेपालमा आज कोरोना भाइरस (कोभिड-१९) संक्रमण नयाँ ३३४ जनामा पुष्टि भएको छ । योसँगै नेपालमा कोरोना संक्रमितको संख्या २६३४ पुगेको छ । नेपालमा ६५ जिल्लामा कोरोना संक्रमण फैलिसकेको छ । नेपालमा सिन्धुपाल्चोकमा १ जना, बाँकेमा १ जना, गुल्मीमा १ जना, बारामा १ जना, ललितपुरमा १ जना, अर्घाखाँचीका १ जना, दैलेखका १ जना, बाजुराका १ जना, दोलखाका १ जना र पाल्पाका १ जना गरी १० जनाको कोरोना संक्रमणबाट मृत्यु भईसकेको छ ।
यो पनि पढ्नुहोस्
नेपालमा कोरोना संक्रमणबाट मृत्यु हुनेको संख्या १० पुग्यो
नेपालमा संक्रमितको संख्या २६३४ पुग्यो, आज थपिए कोरोनाका नयाँ ३३४ संक्रमित
