१७ जेठ, काठमाडौँ । नेपालमा पछिल्लो २४ घण्टामा १३ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या २१९ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा प्रवक्ता डा. विकास देवकोटाले सो कुराको जानकारी गराएका छन् ।
मन्त्रालयका प्रवक्ता डा. देवकोटाका अनुसार काठमाडौंको टेकु अस्पतालबाट बुढानिलकण्ठ र टोखाका २ जना डिस्चार्ज भएका हुन् । उनीहरु टेकु अस्पतालको आइसोलेशनमा उपचाररत थिए । यस्तै बलम्बुस्थित कोभिड-१९ युनिफाइड अस्पतालबाट ९ जना डिस्चार्ज भएको पनि उनले बताए । उनीहरु विभिन्न जिल्ला स्थायी ठेगाना भई हाल काठमाडौंमा बस्दै आएकाहरु हुन् ।
प्रवक्ता डा. देवकोटाका अनुसार अछाम जिल्ला भई बाँकेमा रहँदै आएका पुरुष १ जना पनि डिस्चार्ज भएका छन् । साथै रुकुम घर भइ ललितपुर अस्थायी ठेगाना भएका पुरुष १ जना पनि कोरोना निको भई अस्पतालवाट डिस्चार्ज भएका हुन् ।
मन्त्रालयका अनुसार प्रदेश १ मा १६० जना, प्रदेश २ मा ५४७, बागमती प्रदेशमा ४५ जना, गण्डकी प्रदेशमा २० जना, प्रदेश ५ मा ५४७ जना, कर्णाली प्रदेशमा ६१ जना र सुदूरपश्चिम प्रदेशमा २१ जना गरी नेपालमा १४०१ जना कोरोना संक्रमित भएका छन् ।
मन्त्रालयका अनुसार नेपालमा ५३ जिल्लामा कोरोना संक्रमण फैलिसकेको छ । नेपालमा सिन्धुपाल्चोकमा १ जना, बाँकेमा १ जना, गुल्मीमा १ जना, बारामा १ जना र ललितपुरमा १ जना र अर्घाखाँचीका १ जना गरी ६ जनाको कोरोना संक्रमणबाट मृत्यु भईसकेको छ ।
यो पनि पढ्नुहोस्
आज १९ जना घर फर्किए, नेपालमा अहिलेसम्म २०६ जनाले जिते कोरोना
नेपालमा संक्रमितको संख्या १४०१ पुग्यो, आज थपिए कोरोनाका नयाँ १८९ संक्रमित
