काठमाडौँ । गण्डकी प्रदेशमा पछिल्लो २४ घण्टामा १५९० जनामा परिक्षण गर्दा ५१३ जनामा कोरोना भाइरस (कोभिड-१९) संक्रमण पुष्टि भएसंगै गण्डकीमा कोरोना संक्रमितको संख्या ४६ हजार ५०० जना पुगेको स्वास्थ्य निर्देशनालय, गण्डकी प्रदेशले जानकारी दिएको हो ।
स्वास्थ्य निर्देशनालयका अनुसार पछिल्लो २४ घण्टामा ५२३ जनाले कोरोना जितेसंगै गण्डकीमा कोरोना जित्नेको संख्या ३६ हजार ५१७ जना पुगेको छ । गण्डकीमा कोरोना संक्रमणवाट पछिल्लो २४ घण्टामा १४ जनाको मृत्यु भएसंगै हालसम्म कोरोना संक्रमणवाट ७६२ जनाको मृत्यु भईसकेको छ ।
हालसम्म गण्डकीमा २ लाख ५ हजार २६८ जनामा कोरोना परीक्षण भएको छ । सक्रिय कोरोना संक्रमितको संख्या ९ हजार २२१ जना रहेको निर्देशनालयले जनाएको छ । कोरोना सक्रिय संक्रमितमध्ये ८ हजार ७२० जना होम आइसोलेसनमा रहेका छन् ।
