काठमाडौँ । नेपालमा पछिल्लो २४ घण्टामा ८२१ जनामा कोरोना भाइरस (कोभिड-१९) संक्रमण पुष्टि भएको छ । योसँगै नेपालमा कोरोना संक्रमितको संख्या २ लाख ४९ हजार २४४ पुगेको स्वास्थ्य तथा जनसंख्या मन्त्रालयले जानकारी दिएको हो ।
मन्त्रालयका अनुसार पछिल्लो २४ घण्टामा ५४२३ पीसीआर परीक्षण गरिएको छ भने आजसम्म १८ लाख ३६ हजार ४६४ पीसीआर परीक्षण गरिसकिएको छ । सक्रिय संक्रमितको संख्या १०९५५ जना आइसोलेसनमा रहेकामध्ये ३६१५ संस्थागत आइसोलेसनमा र ७३४० जना होम आइसोलेसनमा रहेका छन् । साथै हालसम्म क्वारेन्टाइनमा ४७१ जना रहेका छन् ।
८२१ जना कोरोना संक्रमितमध्ये ५०४ जना पुरुषहरु र ३१७ जना महिलाहरुमा संक्रमण पुष्टि भएको हो । काठमाडौं उपत्यकामा आज ३३३ जनामा कोरोना संक्रमण पुष्टि भएकाहरुमध्ये १९१ जना पुरुषहरु र १४२ जना महिलाहरु रहेका छन् । आज काठमाडौं जिल्लामा २४६ जना, ललितपुर जिल्लामा ५३ जना र भक्तपुर जिल्लामा ३४ जनामा कोरोना संक्रमण देखिएको छ ।
पछिल्लो २४ घण्टामा ८४२ जनाले कोरोना जितेसंगै नेपालमा कोरोना भाइरस जित्नेको संख्या २ लाख ३६ हजार ५७३ जना पुगेको छ । नेपालमा कोरोना संक्रमणबाट थप १८ जनाको मृत्यु भएको पुष्टि भएसंगै नेपालमा कोरोना संक्रमणबाट मृत्यु हुनेको संख्या १७१६ पुगेको पुष्टि भएको छ ।
यो पनि पढ्नुहोस्
