पोखरा, असोज १२ । गण्डकी प्रदेशमा आज दिउसो थप १८ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या ३७९५ जना पुगेको छ ।
स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज दिउसो १२:१५ बजे प्रेस बिज्ञप्ति जारी गर्दै १८ जनामा कोरोना संक्रमण पुष्टि भएको जानकारी गराएका हुन् ।
आज बिहान अध्यावधिक विवरण अनुसार चितवन मेडिकल कलेज, चितवन र क्षयरोग उपचार केन्द्र, पोखरामा गरिएको परिक्षणमा कास्कीको पोखरा महानगरपालिकाका थप १८ जनामा कोरोना संक्रमण देखिएको छ ।
कोरोना संक्रमण पुष्टि हुनेहरुमा नवलपरासी सुस्ता पूर्वका ७ जना, गोरखाका १ जना, लमजुङका १ जना, तनहुँका ८ जना र स्याङजाका १ जना रहेका छन् ।
चितवन मेडिकल कलेजमा परिक्षण गराउनु भएका सबैजना सोहि अस्पतालको आईसोलेसनमा बसेका छन् भने स्याङ्जा जिल्लाका १ जना संक्रमित पोखराको मणिपाल अस्पतालमा उपचाररत रहेका छन् ।
अन्य जिल्लाका सबै व्यक्तिहरु भारतबाट आई क्वारेन्टाइनमा बसेका हुन् । सबै संक्रमित व्यक्तिहरुलाई आईसोलेसन केन्द्रमा लैजाने तयारी भई रहेको छ ।
यो पनि पढ्नुहोस्
गण्डकी प्रदेशमा थप ७१ जनामा कोरोना पुष्टि, संक्रमितको संख्या ३७४४ पुग्यो
