पोखरा, असोज ४। गण्डकी प्रदेशमा आज दिउसो गरी थप ३९ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या ३४७८ जना पुगेको छ ।
स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज दिउसो १२:०० बजे र दिउसो १२:१५ बजे छुट्टाछुट्टै प्रेस बिज्ञप्ति जारी गर्दै १ जना र ३८ जना गरी ३९ जनामा कोरोना संक्रमण पुष्टि भएको जानकारी गराएका हुन् ।
आज दिउसो १२:०० बजे अध्यावधिक विवरण अनुसार पोखरा स्वास्थ्य बिज्ञान प्रतिष्ठान, पोखरामा गरिएको परिक्षणमा गण्डकी प्रदेशमा थप भएका नयाँ १ जना कोरोना संक्रमण देखिएको छ । कोरोना संक्रमण पुष्टि हुनेमा कास्कीको पोखरा महानगरपालिका-२८ का १९ बर्षीय पुरुष १ जना रहेका छन् । उनी पोखरा स्वास्थ्य बिज्ञान प्रतिष्ठान, पोखरामा कोरोना परिक्षण गर्न आएका हुन् । उनलाई आईसोलेसन केन्द्रमा लैजाने तयारी भई रहेको छ ।
आज दिउसो १२:१५ बजे अध्यावधिक विवरण अनुसार क्षयरोग उपचार केन्द्र, पोखरामा गरिएको परिक्षणमा गण्डकी प्रदेशमा थप भएका नयाँ ३८ जना कोरोना संक्रमण देखिएको छ । कोरोना संक्रमण पुष्टि हुनेहरुमा तनहुँमा १७, बागलुङमा १४, कास्कीमा ४, स्याङ्जामा २ र गोरखामा १ जना रहेका छन् ।
बाग्लुङ जिल्ला, ढोरपाटन-१ का ब्यक्तिहरु नेपाल बैंक लि., हिमाल मेडिकल, भट्टराई ईलेक्ट्रोनिक्स, ढोरपाटन न.पा. कार्यालय, बुर्तिबाङ प्रा.स्वा.के., धौलागिरी होटेल, साईला होटेल, सिटी क्लिनिकमा कार्यरत हुन् । बाग्लुङ जिल्ला, ढोरपाटन-४ का ३१ बर्षीय पुरुष र गोरखा जिल्ला, सिरानचोक-६ का ३३ बर्षीय पुरुष गरी २ जना भारतबाट आई क्वारेन्टाइनमा बसेका हुन् । अन्य सबै संक्रमित कन्ट्याक ट्रेसिंगबाट पहिचान भएका हुन् । सबै संक्रमित व्यक्तिहरुलाई आईसोलेसन केन्द्रमा लैजाने तयारी भई रहेको छ ।
यो पनि पढ्नुहोस्
गण्डकी प्रदेशमा थप ३६ जनामा कोरोना पुष्टि, संक्रमितको संख्या संख्या ३४३८ पुग्यो
