चितवन, भदौ २२ । चितवनमा थप ३० जनामा कोरोना भाइरस (कोभिड-१९) संक्रमण पुष्टि भएको छ । चितवन मेडिकल कलेजको ल्यावमा गरिएको परीक्षणमा चितवनका १९ जनासहित थप ३० जनामा संक्रमण पुष्टि भएको हो ।
हिजो आइतबार राति सार्वजनिक रिपोर्ट अनुसार भरतपुरका ११ जना रहेका छन् । जसमा ७ वर्षीय बालकदेखि ७२ वर्षीया महिलासम्म रहेका छन् । यस्तै रत्ननगरका ६ जना र खैरेनीका २ जना गरी चितवनका १९ जनामा संक्रमण पुष्टि भएको छ ।
साथै हेटौँडाका ६ जना, वकैया, मनहरीका १/१ जना गरी मकवानपुरका ८ जना, शुक्लागण्डकी र भानुका १/१ जना गरी तनहुँका २ जना तथा नवलपुर देवचुलीका १ जनामा संक्रमण पुष्टि भएको छ ।
