C
पोखरा, भदौ १९ । गण्डकी प्रदेशमा आज दिउसो थप ४३ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या २३९७ जना पुगेको छ ।
स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज दिउसो १:४५ बजे प्रेस बिज्ञप्ति जारी गर्दै ४३ जनामा कोरोना संक्रमण पुष्टि भएको जानकारी गराएका हुन् ।
आज दिउसो अध्यावधिक विवरण अनुसार क्षयरोग उपचार केन्द्र, पोखरामा गरिएको परीक्षणमा मनाङका १ जना, कास्कीका १ जना, स्याङ्जाका १ जना र गोरखाका १ जनामा कोरोना संक्रमण देखिएको हो । साथै अन्य प्रदेशका प्रयोगशालामा गरिएको परीक्षण प्रतिवेदन अनुसार नवलपरासी सुस्ता पूर्वका २४ जनामा पनि कोरोना संक्रमण देखिएको छ ।
कोरोना संक्रमण पुष्टि भएका मनाङ, चामेका १ जना नेपाल प्रहरीमा कार्यरत रहेका छन् भने गोरखा जिल्ला अजिरकोटका संक्रमित व्यक्ति भारतबाट आएका हुन् । अन्य सबै कोरोना संक्रमित व्यक्तिहरु कन्ट्याक ट्रेसिंगबाट पहिचान भएका हुन् ।
नवलपरासी (ब.सु.पू) जिल्लाका अन्य प्रदेशका प्रयोगशालामा गरिएको परिक्षण उल्लेखित सबै संक्रमितहरुलाई आईसोलेसन केन्द्रमा राखिसकिएको छ भने अन्य सबै संक्रमित व्यक्तिहरुलाई आईसोलेसन केन्द्रमा लैजाने तयारी भई रहेको छ ।
आज बिहान ६:१० बजे अध्यावधिक विवरण अनुसार गण्डकी प्रदेशमा आज बिहान थप ४० जनामा कोरोना संक्रमण पुष्टि भएसंगै गण्डकी प्रदेशमा कोरोना संक्रमितको संख्या २३५२ जना पुगेको थियो ।
यो पनि पढ्नुहोस्
गण्डकी प्रदेशमा थप ४० जनामा कोरोना पुष्टि, संक्रमितको संख्या २३५२ पुग्यो
