चितवन, भदौ १३ । चितवनको भरतपुर अस्पताल कोभिड-१९ प्रयोगशालामा गरिएको परीक्षणमा चितवनमा २६ जनामा कोरोना भाइरस (कोभिड-१९) संक्रमण पुष्टि भएको छ । भदौ १२ गते मंगलवार गरिएको परीक्षणमा चितवनमा २६ जनामा कोरोना संक्रमण पुष्टि भएको प्रयोगशालाकी प्रमुख डा.नितु अधिकारीले जानकारी दिइन् ।
भरतपुर अस्पताल कोभिड-१९ प्रयोगशालामा शुक्रवार राति ९ बजेसम्म गरिएको परीक्षणमा चितवनको भरतपुर महानगरपालिका-६ र ८ का १४ जना, रत्ननगरका १ जना, मकवानपुरका १ जना, गोरखाका २ जना, नवलपुरका १ जना, सप्तरीका २ जना र दैलेख, गुल्मी, बारा, सुर्खेत र मोरङका १/१ जनामा संक्रमण पुष्टि भएको हो ।
भरतपुर अस्पताल कोभिड-१९ प्रयोगशालामा भदौ १२ गते २७५ वटा नमुनाहरुको पिसिआर परीक्षणको क्रममा २६ वटा नमुनाको नतिजा पोजेटिभ र २४९ वटा नमुनाको नतिजा नेगेटिभ रहेको भरतपुर अस्पतालले जानकारी दिएको छ । उनीहरुको नमूना भरतपुर अस्पताल स्वाब संकलन केन्द्र, बीपी कोइराला क्यान्सर अस्पतालबाट स्वाब संकलन गरिएको थियो ।
यो पनि पढ्नुहोस्
