कोरोनाको उपचारमा प्रयोग गर्ने सकिने उत्तम औषधि रुधिलो Nepalpatra कोरोनाको उपचारमा प्रयोग गर्ने सकिने उत्तम औषधि रुधिलो
११ मंसिर २०७८, शनिबार

कोरोनाको उपचारमा प्रयोग गर्ने सकिने उत्तम औषधि रुधिलो


रुधिलो

कोरोना भाइरस पनि एक प्रकारको श्वास-प्रश्वाससंग सम्वन्धित भएको भाइरस हो । यो रोगमा प्रयोग गर्न सकिने असुरोपछिको उत्तम औषधि रुधिलो पनि एक हो । यस्ता महत्वपूर्ण औषधिबाट उपचार गराउन सके नसोचेको सफलता हात लाग्ने देखिन्छ ।

जाडो मौसममा हुन सक्ने निमोनिया, दम, रूघाखोकी, टन्सिल, ब्रोन्काइटिस जस्ता समस्याबाट ग्रस्त हुने मानिसको संख्या आजकल दिन-प्रतिदिन बढ्दै गएको छ । चिसोका कारण बिरामी परेर अस्पताल र स्वास्थ्य केन्द्रहरूमा पनि प्रभावितहरूको संख्या बढिरहेको देखिएको छ । भाइरसको उपचार गर्न सजिलो जडिबुटीबारे प्रकाश पार्दैछु ।

यो भन्दा पहिले पनि कोरोना भाइरस जस्ता रोगको प्रकोपबाट बचाउन सक्ने‌ कुनै पनि औषधि नभएको अवस्थामा घरेलु औषधिबाट यस्ता रोगको उपचार हुन सकेमा ठूलो उपलब्धि हुन सक्ने देखिन्छ । यस्ता रोगको उपचार जडिबुटीबाट गर्ने राम्रो जानकारी हुन नसक्दा नेपालीहरू महंगो औषधि खरिद गर्न बाध्य छन् ।

चिसो मौसममा सबैभन्दा बढी देखिने समस्या हो, रूघाखोकी । चिसोका कारण नाकबाट पानी बग्ने, सुख्खा खोकी लाग्ने, टाउको दुख्ने, हल्का ज्वरो आउने, घाँटी खसखसाउने, हाच्छिँउ आउने, खान मन नलाग्ने, थकाइ महसुस हुने लगायतका समस्या देखिन्छ । चिसोबाट बच्न सके रूघाखोकीबाट बच्न सहज हुन्छ ।

चिसोबाट बच्न र रूघाखोकीबाट छुटकारा पाउनका लागि विश्वसनीय औषधि नभएको अवस्थामा जडिबुटी प्रयोग गर्न सकिन्छ भने यसले स्वास्थ्यमा कुनै साइड इफेक्ट विना रोग निको बनाउन सक्ने देखिन्छ । केही यस्ता घरेलु औषधिहरू छन् जसको प्रयोग आधुनिक उपचार एलोपैथिकका कारण आज लोपोन्मुख हुदै गएको देखिन्छ । चिसो मौसम परिवर्तन हुने वेलामा लाग्ने यस्ता रुघाखोकीबाट बच्न घरेलु औषधि रुधिलोले ठूलो भूमिका निभाउने निश्चित छ ।

रुघाखोकीको घरेलु औषधि रुधिलोको उपयोग कसरी गर्ने भन्ने कुराको जानकारीको अभावमा सस्तो सर्बसुलभ औषधि त्यसै खेर गइरहेको देखिन्छ । हाम्रो गाउँघरमा पाइने रुधिलोलाई पानीमा पकाएर हरेक दिन यसको सुप खान सके रुघाखोकी र चिसोबाट निम्तिने जस्तोसुकै श्वास-प्रश्वास सम्बन्धी समस्या समाधान हुन्छ ।

रूघाको उपचारमा प्रयोग गर्न सकिने अन्य औषधि यस्ता छन्

१. हरेक दिन बिहानै खाली पेटमा ३ ग्राम जति बेसार, रूदिलोको पात र खस्रो चिनी राखेर चिया जस्तै गरि खाएमा उपरोक्त समस्या हल गर्दछ ।

२. तुलसीको पात, रूदिलोको पात, क्यामुनाको पात समभाग मिलाउने र पकाउने स्वादको लागि थोरै चिनी राखेर पिउनाले राम्रो फाइदा गर्दछ वा रुघाखोकीबाट बच्न तुलसीको ४/५ वटा पातलाई नियमित महमा मिसाएर खाएमा पनि रूघाखोकी निको हुन्छ ।

३. ज्वानो, वेसार, अदुवा मिसाएर पानीमा पकाएर हरेक दिन बिहान बेलुका आधा गिलास खाने गरेमा पनि रुघाखोकी निको हुन्छ ।

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !