हामीले मन पराउने मसलामा सवैभन्दा पौष्टिक काजूलाई मानेका छौं । यो ड्राई फ्रूटको राजा हो । यो खानाले स्वास्थ्यमा राम्रो फाइदा गर्दछ । काजूको उपयोग प्राय: मिठाई र तरकारीलाई स्वादिष्ट बनाउन प्रयोग हुने गरेको छ । काजू मिसाएको बर्फी सबैले मन पराउने भएकाले काजूको महत्व अझ बढेको देखिन्छ ।
स्वास्थ्यका दृष्टिकोणले काजु त्यसै पनि खान सकिन्छ । काजू खानुका फाइदा (Benefits of Cashew Nuts) काजू एनर्जीले भरपूर प्रोटिन र फैटको प्रमुख स्रोत हो, यसले तुरुन्त शरीरमा ऊर्जा प्रदान गर्दछ । बढ्दो उमेरका बच्चाहरूको लागि काजु सेवन गराउदा धेरै राम्रो फाइदा देखिन्छ । खेलाडीहरूले समय समयमा काजु खाने गर्नाले शरीर कमजोर हुन बाट रोक्दछ ।
काजु खानाले स्वास्थ्यमा के कस्ता फाइदा हुन सक्छ ?
१. काजूको नियमित सेवन गराउनाले शरीरलाई बलियो बनाउने काम गर्दछ । स्वास्थ्यमा राम्रो फाइदा हुने भएपनि यसलाई धेरै भने खानु हुदैन । हुनत केहि बढी खाएर खासै नोक्सान भने गर्दैन ।
२. काजूमा प्रशस्त प्रोटिन पाइने भएकाले छाला र कपाल राम्रो हुन्छ । फेस नरम हुनुको साथै कपाल बढाउन राम्रो भूमिका खेलेको पाइन्छ ।
३. काजूको सेवन गर्नाले कोलेस्ट्रोल नर्मल राख्दछ । काजूमा प्रोटिन अधिक हुनाले चाडैं पच्दछ । नियमित काजू सेवन गर्नाले ब्लड बढाउने काम गर्दछ ।
४. काजू खानेहरूको छाला नरम हुनुको साथै चमक देखिन्छ । चाडै बुढो नहोस् भन्ने चाहना हुनेले काजूको सेवन गर्नुपर्छ ।
५. भुल्ने बानी हुनेहरूका लागी काजू राम्रो खुराक हो । काजूमा भिटामिन बी प्रशस्त हुने भएकाले र काजू खाइसके पछि मह सेवन गर्नाले यूरिक एसिड बन्न बाट रोक्दछ । यूरिक यसिड र ब्लड प्रेशर पनि कन्ट्रोल हुने भएकाले काजू सेवन गर्ने बानी बसालौं ।
६. काजूमा प्रोटिनको राम्रो स्रोत भएकाले हड्डी बलियो बनाउन राम्रो भूमिका खेल्दछ । काजूमा मोनो सैचुरेटेड फ्याट पाइने भएकाले मूटुलाई सुरक्षित राख्ने काम गर्दछ ।
७. काजूमा एन्टी अक्सिडेन्ट तत्व हुने भएकाले पाचनक्रिया राम्रो बनाउनुको साथै दुब्लो भए मोटाउन थाल्दछ ।
*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।
