सिहं राशिको शुभ, अशुभ, भाग्य तथा भविष्य

सिहं राशिको शुभ, अशुभ, भाग्य तथा भविष्य

ज्योतिष गुरु परासर

ज्योतिष गुरु परासर

सिहं राशिको शुभ, अशुभ, भाग्य तथा भविष्य

सिहं राशि (मा मी मू मे मो टा टी टू टे)

स्वामी : सुर्य

शुभ अंक : १

शुभ बार : आइतबार, सोमबार, मंगलबार र बिहीबार

घातबार : शुक्रबार र शनिबार

शुभ रत्न : माणिक्य, मुगा र पुष्पराज

शुभ दिशा : पूर्व दिशा

शत्रु राशि : मकर

शुभ रंग : रातो । यदि गोजिमा रातो रुमाल बोकेमा अति लाभदायक हुनेछ ।

धर्म : सूर्य निच हुँदा आइतबारको ब्रत, सूर्यलाई अर्घर पिता हुँदा पितासँगको सम्बन्ध बढाउनु र पिता नहुदा श्रद्धा र पितृ तर्पणलाई भुल्न हुदैन ।

बिबाह : सिंह राशिका व्यक्तिका मानिसले मकर राशिका व्यक्तिसँग बिबाह गर्न हुँदैन । मेष, मिथुन, कर्कट, कन्या, तुला, वृश्चिक, धनु यी ६ राशि सँग सम्बन्ध बढाएमा राम्रो हुनेछ । यो राशिका महिलाले वृश्चिक राशिका पुरुषसँग बिबाह गरेमा शुभ हुन्छ ।

नोकरी : सूर्यका देवता अग्नि हुन् । यस राशिका मानिसलाई नारीबाट भन्दा पुरुषबाट फाइदा हुने हुँदा कारोबारमा रातो पहेलो धातुको व्यापार तथा सेना प्रहरी, सरकारी जागिर, प्रविधि विषय, विदेश यात्रा समुन्द्रपारको काम पनि राम्रो हुनेछ । वैदेशिक यात्रामा जापान र पश्चिमा मुलुक जाँदा राम्रा हुने योग देखिन्छ ।

स्वास्थ्य : सिंह राशिका व्यक्तिहरुलाई शिर जन्य समस्या, अमिलो पानी आउने पेट पोल्ने, आखा, दात ,बाथ, पित्त, घाटी तथा पिसाब सम्बन्धी समस्या हुने गर्दछ ।

सम्वन्ध : यो राशिका मानिसलाई क्षेत्रिय जातका वर्गसँग सम्बन्ध गर्दा बढि लाभकारी हुनेछ । तत्काल निर्णय गर्ने, फुर्सदमा पछुताउने बानी सिंह राशिका व्यक्तिमा हुने गर्छ । जेठा दाजुसँग बढि मित्रता रहनेछ । सन्तती थोरै हुनेछन् ।

स्वभाव

बढि सपना देख्ने, बच्चामा आमा र धाई आमाको माया पाउने, पढाइमा लगशिलता भएपनि बिर्सने बानी हुनेगर्छ । चन्द्रमाको दर्शन प्रत्येक पूर्णिमाको दिनमा गरेमा र साझेदारी काम गरेको राम्रो हुनेछ । सूर्यको शुभ महिना भाद्र हो । सिंहका राशिका केटाकेटिले खाखाको इशाराबाटै काम चलाउने गरेको पाइन्छ । सिंह राशिका मानिस रात्रिमा जन्मेका छन् भने सामाजिक कार्यमा लाग्ने, सामाजिक जीवनमा आफ्नो जीवन बिताउन खोज्छन् । दिनमा जन्मने व्यक्ति छन् भने कुलको दिपक नै हुन्छन् । घरपरिवार समाजको दृश्टिमा उनीहरु साह्रै सकारात्मक हुन्छन् । सिंह राशिकी महिलाले परिवार र पतिलाई आफ्नो वशमा राख्ने तिब्र चाहना हुन्छ । छिटै रिसाउने र छिटै खुसी हुनेबानीले गर्दाउनीहरुको मन बुझ्न सकिदैन । बढि खर्चालु स्वभाव हुन्छन् । विचार गर्नु पर्ने कुराहरु बढि शंकालु, आत्मविश्वासी, आवश्यकता बढि आकर्षित हुनु, चाहना नबुझी बोल्नु, अरुलाई महत्व नदिनुर अरुको घृणा गर्ने बानी असफलताका लक्षणहरु हुन् ।

*गुरु परासर ज्योतिष सेवा केन्द्रका प्रमुख ज्योतिष, वास्तुविद् तथा रत्नविद् गुरु परासर विगत १३ वर्षदेखि यी पेशामा संलग्न हुनुहुन्छ ।

Guru-Parashar-Jyotish-Sewa-Kendra