शोभा काफ्ले खतिवडा
देश कसैको पेवा हैन यति बुझे पुग्छ !
देशको मायाँ जतन गर्न मुटु दुख्नुपर्छ !!१
आस्थाका हर देवालयमा शिर झुकाउँदा हुन्छ !
देशका यस्ता धरातलको सम्मान बढाउँदा हुन्छ !!१
छाती भरी चट्टान जस्तो देशको चित्र कोरौँ !
जन्म ऋण अव समृद्दि र विकास रोपी तिरौँ !!३
हिमालका शिरहरुमा सुन्दर फूल रोपौँ !
देशको विकास समृद्दिका अन्न फलफूल छरौँ !!४
गर्विलो छ मेरो यो देश गौरव गरौँ हामी !
संसारको सुन्दर मुलुक बनाऊँ मिलीजुली !!५
सगरमाथा माथी बसी तराईको फाँट हेरौँ !
अन्नपूर्णा र माछा पुच्छ्रे शिरमा सजाई बसौँ !!६
पानीको धन उर्जा बनाई फाल्ने गौरीशंकर!
कोशी भरी बग्न मन छ बन्दै मोतीको बगर !!७
मलाई मेरो कर्णालीले यसो गरी छोओस् !
हरेक भुभाग हृदयका पाटा भरी रहोस् !!८
छाती भरी मेरो देशको त्यो इतिहासले पोलोस् !
वीरहरुको त्याग र बलिदान सम्झि आँशु झरोस् !!९
देश कसैले कहिल्यै पनि बन्दि नबनाउन्!?
नेपाल आमाका असल सन्तानले यो बदेश जोगाउन् !!१०
हिमालको हिउँको कसम खान सकौँ हामी !
तराइको माटो समाई रगत बगाऊ पनि !!११
अन्यायीका हातबाट देशलाई मुक्ति दिन् !
एकजुट हामी बन्नैपर्छ विकास भूमिको हुन् !!१२
वीरहरुको तातो, रातो रगत सम्झौँ हामी !
युवाहरुको त्याग बलिदान पनि बुझौँ अनि !!१३
जसका हातमा, मनमा अनि धनका भण्डारमा !
जे-जे छन् त्यो देशलाई चढाऊँ यो जन्म धरामा १४
किन यो देश हरपल दिने अयोग्य नेतालाई ?
असल र योग्य मानिस छानौ विकास गर्नलाई !!१५
देशका हरेक भुभाग बने मुलुक सुन्दर हुन्छ !
नेपालीको मन मिले अनि पो यो देश बन्छ !!१६
फूलको हिमाल बनाउन् फूल खोज्न म हिँडे !
तारा, सूर्य, चन्द्र मनमा सजाउनलाई खोजेँ !!१७
गुलाफका फूल रोप्न तराईका भुभाग खोजौँ !
जनताको खुशी चिताउँ मुलुक सुन्दर बनाऔँ !!१८
रारा यो देशकी रानी हुन पाहाड सुनकी खानी !!
हिमाल,पाहाड र तराई हाम्रा शिरका ताज हुन् नि !!१९
देशमा कोहि दु:खी नहुन पिडा नहोस् कतै !
हरेक भुभाग समृद्दिले चुमोस जताततै !!२०
देश हाम्रो सम्पति हो जन्मभूमि यो धरा !
हाम्रो मायाँ जतन पाई हाँसोस् देश सारा !!२१
टुक्रिएर नजाउँन है यो देशका कुनै भु-भाग !
माटो मगमग बनोस यो धराको हाँसोस सातै प्रदेश २२
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
