अचेल मस्त निदाउन थालेको छु
मनमा कुरा पनि उतिसारो खेल्दैन
देशको चिन्ता पनि छैन
कुनै आस पनि छैन
अचेल नयाँ नेपाल यस्तै हो जस्तो लाग्छ
आखिर सबै नयाँ नै त छ
मेरो उमेर नयाँ छ
हजुरको भुडी र जुगा नयाँ छ
व्यवस्था नयाँ छ प्रक्रिया नयाँ छ
विवसता नयाँ छ
प्रयोग नयाँ छ
झन् नयाँ हजुरको बोली र परिबर्तन छ ,
अब मलाई नयाँ नेपालले ब्युझाउदैन
मलाइ कुनै पश्चतापले पगाल्दैन
कुनै तिर्सना र रहरले अगाल्दैन
अनि कुनै बेदना र आश्वासनले संगाल्दैन
मलाई सबै पाए झैँ लाग्छ
नयाँ नेपाल आए झै लाग्छ
आखिर जंगलमा कोहिलीले गीत नगएको त हो नी
गिद्ध र उल्लुहरु उडेकै छन्
बम र गोला बारुदको आवाज नआएको त हो नी
युवा बोक्ने जहाजको आवाज आएकै छ
हो, म अचेल मस्त निदाउछु,
तर नानी सुत्त्न छोडेको छ
खाली भन्छ एउटा युद्ध गर्नुपर्छ बाबा
नयाँ नेपाल आइसक्यो के को युद्ध ?
यस्तो हैन अर्कै नयाँ नेपाल आउछ बाबा
फेरि कस्तो ? कस्तो नयाँ नेपाल ?
हजुरको छोरो मन्त्री भएको *
*रसायनशास्त्रमा स्नातकोत्तर तह (एमएस्सी) गरेका अरुण एशियन लेखक तथा साहित्यकार हुन् । उनका लेखहरु साहित्यिक, अनुसन्धानात्मक र जानकारीमुलक हुन्छन । उनको रंगीन सपना नामक उपन्यास प्रकाशित छ ।
