काठमाडौं । नेकपा (एमाले) का सचिव महेश बस्नेतले विश्लेषक भरत दाहाललाई पक्राउ गरेकोप्रति सरकारमाथि टिप्पणी गरेका छन् । आज आइतबार सञ्चारकर्मीसँग कुरा गर्दै बस्नेतले प्रधानमन्त्री बालेन शाहको सचिवालयको निर्देशनमा दाहाललाई गरिएको आरोप लगाउँदै आपत्ति जनाएका हुन् ।
उनले ‘ग्रे जोन’ मिडियामा प्रधानमन्त्रीसहितको नाम जोडर सार्वजनिक समाचारको विषयमा टिप्पणी गरेकै भरमा गिरफ्तारी गरिएको भन्दै उक्त समाचारको खण्डन गर्न चुनौती पनि दिएका छन्।
उनले ग्रे जोनमा प्रकाशित रिपोर्टले गत वर्षको भदौ २३ र २४ गतेको जेनजी आन्दोलनमा कसले कस्तो भूमिका खेले भन्ने स्पष्ट पारेको पनि दाबी गरे। यसबारे रवि लामिछाने, बालेन शाहलगायतले जवाफ दिनुपर्ने बस्नेतको भनाइ छ ।
