काठमाडौँ । छिमेकी देश भारतले पठाएको चौथो चरणको राहत सामग्रीसहित प्राविधिक टोली नेपाल आइपुगेको छ । भारत सरकारले पठाएको चौथाे चरणको राहत सामग्री आइतबार बिहान नेपाल सरकारलाई हस्तान्तरण गरिएको भारतको विदेश मन्त्रालय जनाएको छ ।
विदेश मन्त्रालयले आफ्नो सामाजिक सञ्जालमा उल्लेख गरेको विवरणअनुसार चौथो चरणमा कम्बल, स्लिपिङ ब्याग, त्रिपाल, प्लास्टिकका सिट र सरसफाइसम्बन्धी सामग्रीसहितका राहत सामग्री रहेका छन् ।
त्यस्तै, भारतबाट राहत सामग्रीसहित खोज तथा उद्धारका लागि आवश्यक उपकरणसहितको सुरुङ प्राविधिक टोली, डीएनए परीक्षणका लागि फरेन्सिक विज्ञहरूको टोली पनि नेपाल आएको छ ।
