फाइल फोटो
पोखरा । पोखराबाट काठमाडौंका लागि उड्न लागेको बुद्ध एयरको विमानको आकस्मिक ढोका खोल्ने यात्रु पक्राउ परेका छन् । उड्न लागेको सो जहाजको आकस्मिक ढोका खोल्ने भीम परियार नामका यात्रुलाई प्रहरीले पक्राउ गरेको हो ।
उनी जहाजको १– सी–डी अर्थात् इमर्जेन्सी ढोका भएको सिटनेर बसेका थिए । उनी अहिले प्रहरी नियन्त्रणम रहेको प्रहरीले बताएको छ । बुद्ध एयरको सो जहाजको आकस्मिक ढोका ती यात्रुले खुलेपछि खैलाबैला मच्चिएर उडान रोकिएको थियो ।
आज बिहान ९ बजे पोखराबाट काठमाडौंका लागि उड्न लागेको उडान नं. ६५२ को जहाज ‘स्टार्ट’ भइसकेपछि इमर्जेन्सी ढोका खुलेको थियो । इमर्जेन्सी ढोका नजिकै बसेका यात्रुको खुट्टाले लागेर ढोका खुलेको बताइएको थियो । विमान ट्याक्सी वेबाट धावनमार्गमा जान लागेको बेलामा ढोका खुलेको थाहा भएको बुद्ध एयरले जनाएको छ ।
यो पनि पढ्नुहोस्
उड्न लागेको बुद्ध एयरको जहाजको आकस्मिक ढोका एक्कासी खोलेपछि…
