एजेन्सी, २१ जेठ । विश्वकप क्रिकेटमा सोमबार राति भएको खेलमा पाकिस्तानसँग घरेलु टोली इङ्ल्यान्ड १४ रनले पराजित भएको छ । पाकिस्तानले दिएको तीन सय ४९ रनको फराकिलो लक्ष्य पछ्याएको इङ्ल्यान्डले ५० ओभरमा ९ विकेटको क्षतिमा तीन सय ३४ रन मात्र बनाउन सकेको थियो ।
यसअघि टस हारेर पहिले ब्याटिङ गरेको पाकिस्तानले ५० ओभरमा ८ विकेट गुमाएर तीन सय ४८ रन बनाएको थियो ।
पाकिस्तान पहिलो खेलका वेस्ट इन्डिजसँग पराजित भएको थियो । इङ्ल्यान्डले पहिलो खेलमा दक्षिण अफ्रिकालाई हराएको थियो ।
