चिनिया १५ वर्षीया खेलाडी रेन कियानले रियो ओलम्पिक अन्तर्गत १० मिटर दूरीको प्ल्याटफम डाइभिङमा स्वर्ण पदक जितेकी छिन् । यो सँगै बेलायतकी २७ वर्षीया टोनी कोचको स्वर्ण जित्ने सपनामा पनि पूर्ण विराम लागेको छ । उनले स्वर्ण पदको लागि आफु उपयुक्त भएको दाबी गर्दै आएकी थिइन् । तर उनले खाली हात घर फर्किन् ।
रेनले तेस्रो पटकको पाँचौ पालीमा अग्रता लिएकी थिइन् । प्रतियोगितामा चीनकै सि याजिङले रजत तथा क्यानडाका मेगान मेनिटोले कास्य पदक जितेका छन् । कोचको यो तेस्रो प्रतिष्पर्धा हो । उनले विविसीसँग कुरा गर्दै भनेकी छिन् ‘पछिल्लो समय मसँग उत्कृष्ट डाइभिङ भएन, यो मेरा लागि तीतो अनुभव हो ।’
