काठमाडौं । नेपाली क्रिकेट खेलाडी कुशल भुर्तेलले टी-२० अन्तर्राष्ट्रिय क्रिकेट सिरिजमा लगातार तेस्रो अर्धशतक प्रहार गरेका छन् । उनले डेब्युपछि लगातार तीन खेलमा अर्धशतकीय पारी खेल्दै विश्व कीर्तिमान कायम गरेका छन् ।
उनले मंगलबार नेदरल्याण्डविरुद्धको खेलमा तेस्रो अर्धशतक प्रहार गरेका हुन् । यसअघि उनले मलेसिया विरुद्ध अविजित ६१ रन बनाएका थिए । त्रिवि क्रिकेट मैदानमा जारी खेलमा कुशलले ४१ बलमा ६ चौका र एक छक्काको मद्दतले ५२ रन बनाएर खेलिरहेका छन् ।
टी–२० अन्तर्राष्ट्रिय क्रिकेटमा हालसम्म डेब्यु ब्याट्सम्यानहरुले लगातार तीन खेलमा अर्धशतक प्रहार गर्न सकेका थिएनन् । अहिले जारी रहेको नेपाल र नेदरल्यान्ड्सबीचको खेलमा नेपालका ओपनर कुशल भुर्तेल फेरि एकपटक चम्केका छन् । उनको पनि सन्दिप लामिछाने जस्तै उज्ज्वल भविष्यको संकेत देखिएको छ ।
