फाइल फोटो
१४ असोज, काठमाडौं । सभामुख कृष्ण बहादुर महरामाथि बलात्कारको आरोप लागेसँगै पार्टी अध्यक्ष पुष्पकमल दाहाल निवास खुमलटारमा बैठक बसेको छ ।
पूर्वमाओवादी निकटका नेताहरु सहभागी वैठकवाट महरामाथि गम्भीर आरोप लागिपसेपछि राजीनामा दिएर छानबिनमा सघाउनु पर्ने धारणा नेताहरुले राखेका छन् ।
सभामुख महराले राजीनामा दिएर छानबिनमा सहयोग गर्नुपर्ने धारणा अधिकांश नेताहरुबाट आएको एक नेताले जानकारी दिए ।
उक्त बैठकलगत्तै नेकपा अध्यक्ष प्रचण्ड प्रधानमन्त्री निवास बालुवाटार पुगेका छन् । प्रचण्ड र ओलीवीच यस विषयमा कसरी अघि बढ्ने भन्नेबारे छलफल भइरहेको बताइएको छ ।
