फाइल फोटो
काठमाडौँ । भारतीय विदेशमन्त्री एस जयशंकरले नेपाली १०० रुपैयाँको नोटमा नयाँ चुच्चे नक्सा राख्ने नेपालको निर्णय एकपक्षीय भएको बताएका छन् ।
नेपाल सरकारले १०० रुपैयाँको नोटमा नयाँ चुच्चे नक्सा राख्ने निर्णय गरेकोमा भारतीय विदेशमन्त्री जयशंकरले नेपालले एकतर्फी निर्णय गरेको जिकिर गरेका हुन् ।
उनले दुवै मुलुक सीमाको विषयमा वार्ता गरिरहेको बेलामा एकपक्षीय रूपमा केही गर्नु भनेको नेपालले धरातलको यथार्थलाई परिवर्तन गर्न नचाहेको टिप्पणी समेत गरेको एनडीटीभीले जनाएको छ ।
गत बिहीबार बसेको नेपाल सरकारको मन्त्रिपरिषद बैठकले १०० रुपैयाँको नोटमा अहिलेको नक्साको सट्टा चुच्चे नक्सा राख्ने निर्णय गरेको थियो । सरकारले पुरानो नक्सा परिवर्तन गरेर नयाँ नक्सा राखेर डिजाइन परिवर्तन गर्न राष्ट्र बैंकलाई अनुमति दिने निर्णय गरेको थियो ।
