काठमाडौं । नेकपा (एकीकृत समाजवादी) पार्टीको संसदीय दलको बैठक आज बस्दै छ । एकीकृत समाजवादी पार्टीको संसदीय दलको बैठक आज दिउँसो २ बजे बस्ने भएको हो ।
आज बस्ने बैठकमा बजेट, समाजवादी मोर्चालगायत समसामयिक विषयमा छलफल हुनेछ । नेकपा एसले बजेटमाथि असन्तुष्टि जनाउँदै बजेट यथास्थितिमा पास गर्न नसकिने सो पार्टीका सांसदहरूले अडान राख्दै आएका छन् ।
उनीहरूले पार्टी अध्यक्ष माधव नेपालसँगको छलफलमा सांसदहरूले बजेटको असन्तुलन नसच्याएसम्म मतदान नगर्ने चेतावनी समेत दिएका छन् । उनीहरूले आफूहरू पार्टी विभाजन गरेर आएको भन्दै सरकार भत्काउन ठूलो कुरो नभएको समेत बताएका छन् ।
