चितवन । चितवन क्षेत्र नं २ मा आइतबार सम्पन्न उपनिर्वाचनको मतगणना जारी रहेको छ । चितवन-२ को मतगणनामा नेकपा एमालेका उम्मेदवार रामप्रसाद न्यौपानेले सुरुवाती अग्रता लिएका छन् ।
आज सोमबार दिउँसो २ बजेदेखि मतगणना सुरु भएपछि पहिलो पटक सार्वजनिक भएको मतपरिणाममा न्यौपानेले ३६७ मतसहित अग्रता लिएका हुन् । यस्तै राष्ट्रिय स्वतन्त्र पार्टी (रास्वपा) का सभापति समेत रहेका उम्मेदवार रवि लामिछानेले ३१९, नेपाली काँग्रेसका जीतनारायण श्रेष्ठले २४४ मत पाएका छन् ।
