काठमाडौँ । प्रधानमन्त्री पुष्पकमल दाहाल ‘प्रचण्ड’ बालुवाटारस्थित सरकारी निवासमा सरेका छन् । ललितपुरको खुमलटारस्थित निजी निवासबाट प्रधानमन्त्री प्रचण्ड आज साँझ सरकारी निवास बालुवाटार सरेका हुन् ।
प्रधानमन्त्रीको सरकारी निवास बालुवाटारको चाबी प्रधानमन्त्री प्रचण्डकी कान्छी छोरी गंगा दाहालले बुझेकी छन् । प्रधानमन्त्री प्रचण्डको परिवार ज्योतिषलाई साइत हेराएरै आज साँझ पौने ७ बजे परिवार बालुवाटार प्रवेश गरेको हो ।
अध्यक्ष प्रचण्ड आइतबार प्रधानमन्त्रीमा नियुक्त भएका थिए । उनले सोमबार पद तथा गोपनीयताको शपथ लिएका थिए । निवर्तमान प्रधानमन्त्री शेरबहादुर देउवा आजै बालुवाटार छाडेर धुम्बाराहीस्थित भाडाको घरमा सरेका छन् ।
यो पनि पढ्नुहोस्
