काठमाडौँ । पूर्वप्रधानमन्त्री समेत रहेका प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले आफ्नी बहिनीहरुको हातबाट तिहारकाे भाइटीका लगाएका छन् ।
ओली निवास बालकोटमा आज बिहान अध्यक्ष ओलीले बहिनी कौशल्या कोइराला, विष्णुमाया ढकाल र कान्छी बहिनी विष्णु ओलीको हातबाट तिहारको भाइटीका लगाएको ओलीका सचिवालयले जनाएको छ ।
टीका लगाइदिएपछि बहिनीहरुले अध्यक्ष ओलीलाई मखमलीको माला लगाई कटुुस, ओखर र मिठाई खुवाएर वात्सल्य प्रस्तुत गरे । ओलीले बहिनीलाई टीका लगाइदिएर दक्षिणा तथा स्नेहोपहार पनि प्रदान गरे ।
साथै साे अवसरमा पूर्वप्रधानमन्त्री ओलीले पनि आफ्नी बहिनीलाई टीका लगाइदिएका थिए । उनको सचिवालयले दिएको जानकारी अनुसार अध्यक्ष ओलीलाई टिका लगाइदिनका लागि झापाबाट बहिनी कौशल्या र चितवनबाट विष्णुमाया हिजै बालकोट आइपुगेका थिए ।
यो पनि पढ्नुहोस्
