काठमाडौं । नेपाली कांग्रेसका उपसभापति धनराज गुरुङ चढेको गाडी दुर्घटनामा परेको छ । आज शुक्रबार चुनाव प्रचार-प्रसारका क्रममा स्याङ्जाको गल्याङ बटुवामा बा १६ च ५४४९ नम्वरको गाडी दुर्घटनामा परेको हो ।
स्याङ्जाको कालिगण्डकी गाउँपालिका-६ इम्सिलको कार्यक्रमबाट फर्कने क्रममा उनी चढेको गाडी दुर्घटना भएको हो । उपसभापति गुरुङ चढेको गाडी नालीमा खसेको र सबैजना सुरक्षित रहेको उनले जानकारी दिएका छन् ।
उनले सजनिक संजाल फेसबुकमा यो दुर्घटनालाई सामान्य दुर्घटना भनेका लेखेका छन् । आगामी मंसिर ४ गते हुन लागेको प्रतिनिधिसभा निर्वाचनमा गुरुङ स्याङ्जा क्षेत्र नम्बर २ मा उम्मेदवार बनेका छन् ।
यसअघि २०७९ साल असार १६ गते बिहिबार पनि उपसभापति गुरुङ चढेको बा १९ च १८३९ नम्बरको स्कार्पियो कार रामेछाप जिल्लाको गोगनेमा दुर्घटनामा परेको थियो । सो समयमा उपसभापति गुरुङ चढेको कार अचानक सडकको बायाँ किनारबाट तल खस्न लागेको बेला ढुंगाको ओट लागेर सडकमै रोकिएर दुर्घटनाबाट जोगिएको थियो ।
यो पनि पढ्नुहोस्
