काठमाडौँ । पूर्वप्रधानमन्त्री समेत रहेका नेपाल समाजवादी पार्टीका अध्यक्ष डा. बाबुराम भट्टराईले शताब्दी पुरुष सत्यमोहन जोशीको निधनप्रति दुःख व्यक्त गरेका छन् ।
सामाजिक संजाल ट्वीटरमा लेख्दै अध्यक्ष भट्टराईले ऐतिहासिक व्यक्तित्व सत्यमोहनप्रति हार्दिक श्रद्धासुमन व्यक्त गर्दै आफ्नो लामो जीवनको अन्तिम क्षणसम्म बहुजातीय, बहुभाषिक, बहुसांस्कृतिक नेपालको यथार्थ गहन अध्ययन र अनुसन्धानका साथ सबै नेपालीलाई बुझाउने र सिकाउने उनको योगदानलाई नेपाल र नेपालीले कहिल्यै नभुल्ने पनि बताएका छन् ।
जोशीको १०३ वर्षको उमेरमा ललितपुर ग्वार्कोस्थित किष्ट मेडिकल कलेजमा उपचारका क्रममा आज बिहान निधन भएको हो । पिसाब सङ्क्रमण, छाती तथा मुटुको समस्याबाट पीडित उनी पछिल्लो समय डेङ्गुबाट समेत सङ्क्रमित भई सो मेडिकल कलेजमा यही असोज ७ गते भर्ना भई उपचाररत थिए ।
ऐतिहासिक व्यक्तित्व सत्यमोहन जोशी अब हामी वीच रहनुभएन।आफ्नो १०२बर्ष लामो जीवनको अन्तिम क्षणसम्म बहुजातीय,बहुभाषिक,बहुसांस्कृतिक नेपालको यथार्थ गहन अध्ययन र अनुसन्धानका साथ सबै नेपालीलाई बुझाउने र सिकाउने वहाॅको योगदानलाई नेपाल र नेपालीले कहिल्यै भुल्ने छैनन्! हार्दिक श्रद्धासुमन! pic.twitter.com/pCoX66UUId
— Baburam Bhattarai (@brb1954) October 16, 2022
