काठमाडौँ । पूर्वप्रधानमन्त्री समेत रहेका प्रमुख प्रतिपक्षी दल नेकपा (एमाले) का अध्यक्ष केपी शर्मा ओलीले शताब्दी पुरुष सत्यमोहन जोशीको निधनले आफू अत्यन्त दुःखी भएको बताएका छन् ।
सामाजिक संजाल ट्वीटरमा लेख्दै अध्यक्ष ओलीले सत्यमोहनप्रति हार्दिक श्रद्धासुमन प्रकट गर्नुका साथै परिवारजनमा गहिरो समवेदना व्यक्त गर्दै उनको निधनले बितेको शताब्दीसँग आजको पुस्ताले जीवन्त साक्षात्कार गर्ने अवसर गुमेको समेत बताएका छन् ।
जोशीको १०३ वर्षको उमेरमा ललितपुर ग्वार्कोस्थित किष्ट मेडिकल कलेजमा उपचारका क्रममा आज बिहान निधन भएको हो । पिसाब सङ्क्रमण, छाती तथा मुटुको समस्याबाट पीडित उहाँ पछिल्लो समय डेङ्गुबाट समेत सङ्क्रमित भई सो मेडिकल कलेजमा यही असोज ७ गते भर्ना भई उपचाररत थिए ।
शताब्दी पुरुष श्रद्धेय सत्यमोहन जोशीको निधनले अत्यन्त दुःखी छु। उहाँको निधनले बितेको शताब्दीसँग आजको पुस्ताले जीवन्त साक्षात्कार गर्ने अवसर गुमेको छ।
अलविदा शताब्दी पुरुष ! हार्दिक श्रद्धासुमन!
परिवारजनमा गहिरो समवेदना । pic.twitter.com/BZHPRjR2h6— K P Sharma Oli (@kpsharmaoli) October 16, 2022
