काठमाडौँ । निर्वाचन आयोगले आचारसंहिताबारे आज दलहरूसँग छलफल गर्दै छ । आयोगले निर्वाचन आचारसंहिताबारे आज राजनीतिक दलका प्रमुख तथा पदाधिकारीहरूसँग छलफल गर्ने भएको हो ।
आगामी मंसिर ४ गते हुन लागेको प्रतिनिधिसभा तथा प्रदेशसभामा प्रतिनिधित्व गर्ने राजनीतिक दलका प्रमुख तथा पदाधिकारीसँग चुनाव लक्षित छलफल गर्न लागिएको आयोगले जनाएको छ ।
आयोगका प्रवक्ता शालिग्राम शर्माले निर्वाचन आचारसंहिताको प्रभावकारी कार्यन्वयन सम्बन्धमा दलहरूसँग अन्तर्क्रिया गरिने बताए । छलफलमा प्रधानमन्त्री, गृहमन्त्रीसहित १२ राजनीतिक दलका प्रमुख र पदाधिकारीलाई निमन्त्रणा गरिएको छ । यद्यपि छलफलमा प्रधानमन्त्री शेरबहादुर देउवा छलफलमा आउने वा नआउने भन्ने बारेमा निश्चित भइसकेको छैन ।
