फाइल फोटो
काठमाडौं । प्रमुख सत्तारुढ दल नेपाली कांग्रेसले आगामी भदौ १० गतेदेखि २४ गतेसम्म कांग्रेसले निर्वाचन केन्द्रित राष्ट्रव्यापी अभियान चलाउने भएको छ ।
सानेपास्थित केन्द्रीय कार्यालयमा बसेको कांग्रेसको केन्द्रीय कार्यसम्पादन समितिको बैठकले भदौ १० गतेदेखि २४ गतेसम्मका लागि निर्वाचन केन्द्रित राष्ट्रव्यापी अभियान चलाउने मिति तय गरेको हो ।
आसन्न प्रतिनिधि सभा र प्रदेश सभा निर्वाचनलाई लक्षित गर्दै ‘राष्ट्रव्यापी अभियान–२०७९’ भदौ १० देखि २४ गतेसम्म सञ्चालन गर्ने भएको हो । यसअघि भदौ २ देखि गर्ने भनिएको सो अभियानको मिति परिवर्तन गरिएको हो ।
बैठकले प्रतिनिधि सभा र प्रदेश सभा निर्वाचनमा पार्टीका उम्मेदवारलाई ‘उम्मेदवार मनोनयन औपचारिक पत्र’ दिन प्रधानमन्त्री समेत रहेका पार्टी सभापति शेरबहादुर देउवालाई जिम्मेवारी दिएको छ ।
यसैगरी बैठकले प्रतिनिधि सभा र प्रदेश सभा निर्वाचनका लागि निर्वाचन आयोगमा दल दर्ता गनेै निर्णय पनि गरेको छ । सोका लागि केन्द्रिय कार्यलयका मुख्यसचिव कृष्णप्रसाद पौडेललाई जिम्मेवारी दिएको छ ।
प्रतिनिधि सभा र प्रदेश सभाको निर्वाचनका लागि प्रत्यक्ष र समानुपातिक दुवै तर्फका उम्मेदवारको नाम पार्टीको विधान बमोजिम प्रक्रिया पुर्याएर सिफारिस गर्न पनि बैठकले निर्देशन दिएको हो । आज बैठक जम्मा ५ मिनेट बसेको थियो ।
