फाइल फोटो
काठमाडौँ । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले संसदीय चुनाव नजिकिँदै गर्दा वाह्यशक्तिहरुको चलखेल बढेको भन्दै आपत्ति प्रकट गरेका छन् ।
सामाजिक संजाल ट्वीटरमा आज बिहानै लेख्दै अध्यक्ष थापाले महाशक्तिहरु आफ्नो अनुकुल ‘कठपुतली’ तयार गर्ने होडमा रहेको समेत खुलासा गरेका छन् ।
उनले भारतको राजधानी दिल्ली, चीनको राजधानी वेईजिङ र संयक्त राज्य अमेरिकाको राजधानी वाशिंगटन डीसीमा पानी पर्दा समेत काठमाडौँमा छाता ओढ्ने जमात खोज्दै गरेको बताएका छन् ।
थापाले राष्ट्रवादी शक्ति निरिह बन्ने खतरा भएपनि अझै केही राष्ट्रवादी नेपाली जिउँदै भएकोले यसतर्फ आम नेपाली जनतालाई सचेत हुन आग्रह गरेका छन् ।
उनले लेखेका छन्, ‘संसदीय चुनाव नजिकिँदै गर्दा वाह्यशक्तिहरुको चलखेल बढेको छ। महाशक्तिहरु आफ्नो अनुकुल ‘कठपुतली’ तयारगर्ने होडमा छन्। दिल्ली,वेईजिङ र वाशिंगटनमा पानीपर्दा काठमाडौँमा छाता ओढ्ने जमात खोज्दै छन्।राष्ट्रवादी शक्ति निरिह बन्ने खतरा छ।नेपाली जनता सचेत बनौँ,अझै केही राष्ट्रवादी जिउँदै छन् ।’
संसदीय चुनाव नजिकिँदै गर्दा वाह्यशक्तिहरुको चलखेल बढेको छ। महाशक्तिहरु आफ्नो अनुकुल 'कठपुतली' तयारगर्ने होडमा छन्। दिल्ली,वेईजिङ र वाशिंगटनमा पानीपर्दा काठमाडौँमा छाता ओढ्ने जमात खोज्दै छन्।राष्ट्रवादी शक्ति निरिह बन्ने खतरा छ।नेपाली जनता सचेत बनौँ,अझै केही राष्ट्रवादी जिउँदै छन्
— Kamal Thapa (@KTnepal) July 16, 2022
