काठमाडौँ । नेकपा एमालेका नेता भीम रावलले प्रधानमन्त्री शेरबहादुर देउवालाई नेपालको कूटनीति कहिलेदेखि सैनिकिकरण भयो ? भनेर प्रश्न गरेका छन् ।
पूर्वरक्षामन्त्री समेत रहेका रावलले आज सामाजिक संजाल ट्वीटरमा लेख्दै नेपालको कूटनीति कहिलेदेखि सैनिकिकरण भयो ? एमसीसी सम्झौता पछि ? हो भनेर देउवा सरकारलाई गम्भीर प्रश्न गरेका छन् ।
नेता रावलले देश निर्वाचनमा रहेको बेला प्रधानमन्त्री देउवा सरकार संविधानद्वारा निर्देशित असंलग्न स्वतन्त्र परराष्ट्र नीति भत्काउन तल्लीन रहेको आरोप समेत लगाएका छन् ।
रावलले प्रधानमन्त्री देउवा अमेरिका भ्रमणमा जान लागेको सूचना थाहा पाएपछि देउवा अमेरिका भ्रमणमा जाने रे र सोको लागि अमेरिकाका लागि नेपाली राजदूत श्रीधर खत्रीले अमेरिकी रक्षा उपसहायक मन्त्रीसंग कुरा गरेको रे भनेर व्यंग समेत गरेका छन् ।
उनले लेखेका छन्, ‘देश निर्वाचनमा रहेको बेला प्रमं देउवा सरकार संविधानद्वारा निर्देशित असंलग्न स्वतन्त्र परराष्ट्र नीति भत्काउन तल्लीन छ । प्रमं देउवा अमेरिका जाने रे, त्यसको लागि राजदूत खत्रीले अमेरिकी रक्षा उपसहायक मन्त्रीसंग कुरा गरे रे ! नेपालको कूटनीति कहिलेदेखि सैनिकिकरण भयो ? एमसीसी सम्झौता पछि ?’
देश निर्वाचनमा रहेको बेला प्रमं देउवा सरकार संविधानद्वारा निर्देशित असंलग्न स्वतन्त्र परराष्ट्र नीति भत्काउन तल्लीन छ।प्रमं देउवा अमेरिका जाने रे, त्यसको लागि राजदूत खत्रीले अमेरिकी रक्षा उपसहायक मन्त्रीसंग कुरा गरे रे! नेपालको कूटनीति कहिलेदेखि सैनिकिकरण भयो? एमसीसी सम्झौता पछि?
— Bhim Rawal, PhD (@BhimRawal179) May 28, 2022
