काठमाडौँ । काठमाडौँ महानगरपालिकामा प्रमुख पदका लागि स्वतन्त्र उम्मेदवार बालेन साहले लगभग दोब्बर मतको फराकिलो अग्रता कायमै राखेका छन् । स्वतन्त्र उम्मेदवार साहले २५४२७ मत प्राप्त गरेर आफ्नो अग्रता कायम राख्दै २५ हजार मत भन्दा बढी मत ल्याएका हुन् ।
त्यसैगरी प्रमुख पदकै उम्मेदवार नेकपा (एमाले) का केशव स्थापितले १३४९९ र नेपाली कांग्रेसका सिर्जना सिंहले १२८४२ मत पाएर केशवलाई पछ्याउँदै छिन् । हाल प्रदर्शनी मार्गस्थित राष्ट्रिय सभागृमा कामपाको मत गणना कार्य भइरहेको छ ।
काठमाडौँ महानगरको अहिलेसम्म वडा नम्बर १, २, ३, ४ र ५ को मतगणना सकिइसकेको छ । त्यस्तै वडा नम्बर ६, ७, ८, २७, २८, २९, ३०, ३१ र ३२ को मतगणना भइरहेको छ ।
