काठमाडौँ । काठमाडौँ महानगरपालिकामा प्रमुख पदका लागि स्वतन्त्र उम्मेदवार बालेन साहले नै दोब्बर मतसहित अग्रता कायमै राखेका छन् । ३३ हजार २२२ मतगणना हुँदा स्वतन्त्र उम्मेदवार साहले १२८७७ मत प्राप्त गरेर आफ्नो अग्रता कायम राखेका हुन् ।
त्यसैगरी प्रमुख पदकै उम्मेदवार नेकपा (एमाले) का केशव स्थापितले ६८७८ र नेपाली कांग्रेसका सिर्जना सिंहले ६१०१ मत पाएर केशवलाई पछ्याउँदै छिन् । हाल प्रदर्शनी मार्गस्थित राष्ट्रिय सभागृमा ८ स्थानबाट कामपाको मत गणना कार्य भइरहेको छ ।
अहिले वडा नम्बर ३, ४, ५, ६, ३०, ३१ र ३२ को मत गणना कार्य जारी रहेको छ । वडा नम्बर १ र २ को मत परिणाम यसअघि नै सार्वजनिक भइसकेको छ ।
