भैरहवा । जनता समाजवादी पार्टी (जसपा)का नेता सरोज कुमार पाण्डे राष्ट्रिय प्रजातन्त्र पार्टीमा प्रवेश गरेका छन् ।
रुपन्देहीको रोहिणी गाउँपालिका वडा नम्बर २ का वडाअध्यक्ष समेत रहेका पाण्डे राप्रपा प्रवेश गरेका हुन् ।
राप्रपा रोहिणी गाउँपालिका वडा नम्बर १ र २ को संयुक्त भेला तथा पार्टी प्रवेश कार्यक्रममा वडाअध्यक्ष पाण्डेको नेतृत्वमा १२६ जना, वडा सदस्य कासिम अलीको नेतृत्वमा ५३ जना र आशिष चौधरीको नेतृत्वमा ३५ जना राप्रपामा प्रवेश गरेको एक नेताले बताए ।
