विराटनगर । सत्तारुढ दल नेपाली कांग्रेसका नेता डा. शेखर कोइरालाले वाम दलहरू फेरि मिल्न सक्ने बताएका छन् ।
मंगलबार विराटनगरमा पार्टीको चुनावी गीत सार्वजनिक गर्ने कार्यक्रममा बोल्दै नेता कोइरालाले वाम दलहरू फेरि मिल्न सक्ने चिन्ता कांग्रेसलाई भएको बताए ।
२०७४ मा जस्तो एमाले र माओवादीहरू फेरि मिल्लान् कि भन्ने चिन्ता पनि रहेको उनले बताए ।
नेता कोइरालाले अहिले मेरो देशभरिका कार्यकर्ता साथीहरूसँग कुराकानी भइरहेको र सबैको मत गठबन्धन गरेर जानु हुँदैन भन्ने रहेको बताए ।
