काठमाडौं । माओवादी केन्द्र प्रदेश १ को अध्यक्षमा हर्कबहादुर नेम्वाङ विजयी भएका छन् । स्रोतका अनुसार अध्यक्षमा नेम्वाङले १६९ मत ल्याएर विजयी भएका हुन्।
एक नेताका अनुसार उनका प्रतिस्पर्धी मुक्साहाङ मेन्याङ्बोले ६४ मत मात्रै ल्याएका छन् । निर्वाचन समितिका अनुसार तीन जना उपाध्यक्षमा मणिकुमार साम्पाङ, देवान चाम्लिङ र शिवकुमार डाँगी विजयी भएका छन् । सचिवमा गणेश उप्रेती १४८ मत ल्याएर विजयी भएका छन् ।
तीन सहसचिवमा कुमारी राई, सागर किराँती र ऋषिराम ढुंगाना विजयी भएका छन् । कोषाध्यक्षमा रेवतराज पुरी विजयी भए ।
