काठमाडौं । नेपाल बार एशोसिएसनले प्रधानन्यायाधीश चोलेन्द्रशमशेर जबराको बहिर्गमनका लागि सहयोग गर्न सभामुख अग्निप्रसाद सापकोटालाई आग्रह गरेको छ ।
स्रोतका अनुसार सोमबार सिंहदरबारस्थित संसद सचिवालयमा पुगेर नेपाल बारका पदाधिकारीहरुले प्रधानन्यायाधीशलाई पदमुक्त गर्न संसदले सहयोग गर्नुपर्ने बताएका हुन् ।
प्रधानन्यायाधीशले सडकको दबाबका भरमा राजीनामा दिन्न भनेकाले आफूहरु सभामुखसमक्ष आएको बारका अध्यक्ष चण्डेश्वर श्रेष्ठले बताए । कानून व्यवसायीहरुले सोमबार सभामुख सापकोटालाई ज्ञापनपत्र बुझाएका छन् ।
बारका अध्यक्ष श्रेष्ठ नेतृत्वको टोलीले प्रधानन्यायाधीशमाथि महाअभियोग प्रस्ताव ल्याउन माग गर्दै २ बजे सभामुख सापकोटालाई ज्ञापनपत्र बुझाएको हो ।
