विराटनगर । नेकपा एमालेका महासचिव ईश्वर पोखरेलले १० बुँदे सहमति जस्ताको तस्तै कार्यान्वयन हुन नसक्ने दावी गरेका छन् । पोखरेलले पार्टी एकताका लागि भएको १० बुँदे सहमति नहुने दावी गरेका छन्।
एमाले मोरङले आइतबार मोरङको विराटचोकमा आयोजना गरेको अगुवा कार्यकर्ता भेलालाई सम्बोधन गर्दै उनले अदालतले एमालेलाई कानुनी रुपमा २०७५ जेठ २ मा फर्काए पनि जेठ २ को अवस्था यान्त्रिक ढङ्गले नहुने बताएका हुन् ।
उनले १० बुँदे कार्यदलले दिएको सुझाव भएको र पार्टीको निर्णय नभएको बताएका छन्। उनले भने, “कार्यान्वयन गरिरहँदा यो यान्त्रिक ढङ्गले हुँदैन्, हुनसक्दैन, सिर्जनात्मक ढुङ्गले हुन्छ ।”
उनले १० बुँदे सहमति जस्ताको तस्तै कार्यान्वयन हुन्छ भन्ने भ्रममा नपर्न पनि आग्रह गरे । पार्टीलाई जेठ २ को अवस्थामा फर्काए नयाँ पार्टीबाट आएकाहरुलाई अन्याय हुने बताए ।
