फाइल फोटो
काठमाडौं । नेपाली काँग्रेसका सभापति समेत रहेका संसदीय दलका नेता शेर बहादुर देउवाको नेतृत्वमा संयुक्त सरकार बनाउने विपक्षी गठबन्धनले निर्णय गरेको छ ।
सर्वोच्चले देउवालाई प्रधानमन्त्रीमा नियुक्त गर्न परमादेश जारी गरेसंगै बसेको गठबन्धनको बैठकले संयुक्त सरकार बनाउने निर्णय गरेको नेपाली काँग्रेसका प्रमुख सचेतक बालकृष्ण खाँडले बताए ।
खाँडका अनुसार आज कोटेश्वरमा बसेको विपक्षी गठबन्धनको बैठकले भोलि सानो आकारको मन्त्रिमण्डल बनाउने पनि निर्णय गरेको बैठकमा सहभागी एक नेताले बताए । भोलि बन्ने सरकारलाई सर्वदलीय स्वरुप दिन प्रयत्नरत रहने नेताहरुले बताएका छन् ।
