काठमाडौँ । सत्तारुढ दल नेकपा एमालेको माधव नेपाल समूहले प्रधानमन्त्री समेत रहेका पार्टी अध्यक्ष केपी शर्मा ओलीलाई २०७५ साल जेठ २ गतेमा फर्किन र सहमतिका साथ पार्टीलाई अगाडि बढाउन आज वैशाख २७ गते बिहान ९ बजेसम्मको लागि दिएको १२ घण्टे अल्टिमेटम सकिएको छ ।
नेपाल समूहका सांसदरुको बैठकले आज बिहान ९ बजेसम्म आफ्नो अल्टिमेटम पूरा गरेमा संसदमा विश्वासको मत दिने निर्णय गरेको छ । तर ओलीले आफूहरुलाई किनारा लगाउने ढंगले गएमा आज नै कठोर निर्णय गर्दै सामूहिक राजीनामाको दिने तयारी गरेको नेपाल समूहका एक नेताले बताए ।
एमालेको नेपाल समुहले आफूहरुले दिएको समयसीमामा अध्यक्ष ओलीले कुनै जवाफ नदिएपछि अव नकुर्ने संकेत गरेको हो । सो समुहका सांसदहरुले अव सामुहिक राजीनामाको विकल्प नभएको पनि बताएका छन् ।
खनाल नेपाल समुहका सांसदहरु अहिले सिंहदरबारमा भेला हुँदैछन् । भेला भएपछि सामुहिक राजीनामा दिने तयारी गरेको एक सांसदले जानकारी दिए ।
